الرياضة اليوم – أخبار مصر
معلومات هامة جديدة لتجديد رخصة السيارة
تحذير الى كل من يمتلك سيارة
وزارة الداخلية الغت مهلة الشهر لتجديد الرخصة .. ونتيجة لهذا، ناس كتير راحوا يجددوا قرب نهاية الشهر واكتشفوا وجود غرامة 40 جنيه على كل يوم تأخير من بعد ميعاد انتهاء الرخصة بتاعته.
تنبيه هام للي بيعمل شهادات صحيه لتجديد رخصة قيادة
من النهاردة هتعمل الشهادات الباطنه والنظر داخل وحدات المرور واي شهاده خارج المرور لا تعتمد حتي وان كانت من مستشفي حكومي تكلفه الشهاداتين بالمرور ١٥٠ جنيه وبتحتاج صورتين.
تعديل مهم لو هتجدد لازم تجيب معاك شهادة المؤهل ايا كان، لو مش معاك هيرجعوك تجيبه الا لو مكتوب في بطاقه الرقم القومي وحتي لو مكتوب في الرخصه هيرجعوك والوقت غالي.
المطلوب لتجديد رخصه قيادة منتهية
اصل وصوره للمؤهل
بطاقه الرقم القومي او جواز سفر.
شهادات باطنه ورمد هتعملهم في المرور او في المكان اللي هيوجهوك اليه
٣ صور شخصيه
والباقي هتشتريه من الوحده ملفات وخلافه.
وقت تخليص الرخصه في نفس اليوم او التالي لو رايح مستعد.
تكلفة تجديد الرخصه الخاصة
٥٥٠ج جنيه للخزينه
١٥٠ج جنيه للشهادات باطنه ورمد
٤٥ج ملف وحافظه
٢٠ج شهاده مخالفات في حال لم يكن لديك اي مخالفات
٢٥ ج شهاده بيانات مش كل الناس بتحتاج بيانات
+ مصاريف تصوير ورق اكثر او اقل من ٢٠ ج
الشريط الجديد اللي هايتلزق علي كل العربيات في مصر اي حد هايروح يرخص اليومين دول هايلزقوه واللي مرخص غالبا هايلزقهوله في الكماين .
وايه المعلومات المتاحة عن الموضوع ده ؟!
كل عربية هايكون ليها باركود لما الظابط يعمل سكان عليه يجيب كل المخالفات وبيانات العربية
وهايتربط برقم موبايلك ويجيلك رسالة بكل مخالفة جديدة تتسجل لعربيتك .
والمفروض بداية من شهر 6 هاينزل ابلكيشن تقدر تعرف كل حاجة عن المخالفات وعن عربيتك وتسدد منه والمفروض كمان انك هاتقدر تعمل فحص عربيتك في كل بنزينات وطنية ويعملوا سكان للكود وتدفع رسوم ترخيصك فوري ومتروحش المرور خالص،
وجارى التنفيذ ويعمم.
علي فكرة تم لزق الشريط المذكور علي السيارة عند التجديد وقالوا دي اخر مرة هايتم التجديد بالطريقة دي كله عن طريق الابليكشن اللي هينزل الشهر الجاي ان شاء الله .
